Pirs: Dema duayê “Rebbena atîna” tê xwendin, hin kes di “weqina ‘ezabe’n-nar” de destên xwe berevajî dikin. Gelo di derbarê vê kirinê de tu hedîseke rast heye?
Bersiv: Di hin duayan de ku meriv berê kefa destên xwe bide erdê, riwayet hene. Yek ji wan, dua baranê ye.
Enes kurê (x.j.q) wiha radigihîne:
“Pêxember (s.a.w) dua baranê kiriye û bi pişta destê bi bal asîmanan ve îşaret kiriye.”[1]
Îmam Newewî yê ku vê hedîsê şîrove dike, wiha dibêje:
“Ji ulemayên me (Şafiî) û berek ji ulemayên din, gotine ku di duayên ku ji bo rabûna belayan mîna xelayê tê kirin, rakirina dest û pişta destên meriv li jor be; ji bilî van, dema meriv daxwaziya tiştekî bike ku berê kefa destên meriv li asîmanan be, sunet e.”[2]
Bi vê mijarê re girêdayî, di Musned a Îmam Ehmed kurê Henbel de riwayeteke wiha cih digire:
Pêxember (s.a.w) dema tiştek ji Xwedê Teala bixwesta berê kefa destên xwe dida jor. Lê belê, dema xwe ji tiştekî biparasta pişta destên xwe dida jor.[3]
Heysemî, her çiqas bibêje ku seneda vê sehîh e jî[4] bi sedem Îbn Lehî‘a yê ku di zincîra hedîsê de ye, qelsiya vê hedîsê hatiye ragihandin.[5]
